• May 19, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

የሊጉ አዲሱ ክስተት !

ByLeo Simera

Jun 4, 2023

በ2015 የኢትዮጵያ ፕሪሚየር ሊግ አዲስ ካየናቸው ወጣት ስፖርተኞች መካከል ግንባር ቀደሙ ነው ከዲላ የተገኘው የኢትዮጵያ መድኑ 18 ቁጥር ለባሹ ወገኔ ገዛኸኝ።

መነሻው ዲላ ከተማ ከሚገኙ ፕሮጀክቶች ውስጥ አንዱ ከሆነው የይብራ ፕሮጀክት ነው በፕሮጀክቱም ከ13 አመት በታች ቡድን ጀምሮ በተለያዩ የእድሜ እርከኖች ቆይታ የነበረው ወገኔ ወደ መድን B በመቀጠልም ተስፋ ተጫውቶ ዘንድሮ ወደ ዋናው ቡድን አድጎ ከመድን ጋ መልካም የውድድር አመትን እያሳለፈ ይገኛል።

በቅርቡም በሱዳን አዘጋጅነት ተዘጋጅቶ በነበረው የሴካፋ ከ20 በታች ውድድር ለብሄራዊ ቡድን ተጠርቶ መጫወት የቻለ ሲሆን ምንም እንኳ ለኢትዮጵያ ፕሪምየር ሊግ አዲስ ቢሆንም ቡድኑ የሰጠውን የመጫወት እድል በሚገባ እየተጠቀመ እና በየ ጫዋታው ድንቅ እንቅስቃሴዎችን እያደረገ ይገኛል።

ዘንድሮ ፕሪሚየር ሊጉን የተቀላቀለው መድንም የውድድር አመቱን በጥሩ ሁኔታ እየተወጡ የሚገኙ ሲሆን ወገኔም የፊት መስመሩን ከቡድን አጋሮቹ ጋር በጋራ በመሆን በብቃት እየተወጣ እና ለቡድኑም ጎሎችን እያስቆጠረ ይገኛል

ወገኔ ለቡድኑ ጎል ማስቆጠሩን ቀጥሎ ትላንት በተደረገው የ26ኛ ሳምንት ቤትኪንግ የኢትዮጵያ ፕሪሚየር ሊግ መድን ቡናን 2ለ1 በረታበት ጨዋታ የመጀመሪያውን ጎል ለቡድኑ በማስቆጠር ቡድን አሸንፎ እንዲወጣ የበኩሉን አስተዋጽኦ ማድረግ ችሏል።

ወገኔ ገዛኸኝ 👏👏👏

Leave a Reply

Your email address will not be published. Required fields are marked *