• May 20, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

ዝላታን እግር ኳስ በቃኝ ብሏል

ByLeo Simera

Jun 5, 2023

የ41 አመቱ ስዊድናዊ አጥቂ ዝላታን ኢብራሂሞቪች በይፋ ከእግር ኳሱ አለም ራሱን ማግለሉን አስታውቋል።

“ደህና ሁኝ እግር ኳስን እላለው ነገር ግን እናንተን አይደለም።”ሲል ስዊድናዊው ትላንት ምሽት በሳንሴሮ ኤሲ ሚላን የመጨረሻ የውድድር ዘመኑ የሴሪአውን ጨዋታ በሳንሴሮ ካደረገበት ግጥሚያ በኋላ ለደጋፊዎቹ ተናግሯል።ኢብራሂሞቪች አስቀድሞ በውድድር ዘመኑ መጨረሻ ከጣልያኑ ክለብ ጋር እንደሚለያይ አስታውቆ እንደነበር አይዘነጋም።

ዝላታን በፓሪስ ሴንት ዠርመን ፣ ማንቺስተር ዩናይትድ ፣ ኤሲ ሚላን እና ኢንተር ሚላን በነበረው ቆይታ በድምሩ 511 ጎሎችን ማስቆጠር የቻለ ሲሆን በአራት ሀገራት የሊግ ክብሮችን ማሳካትም ችሏል።ኢብራሂሞቪች የኤሲ ሚላን ቤት የሁለተኛ ዙር ቆይታው በ2020 መጀመሩም የሚታወስ ነው።ከ2011 በኋላ አምና ሚላን የሴሪኤውን ክብር እንዲያሳካም ትልቁን ሚና መወጣቱ ይታወቃል።

ኢብራሂሞቪች በእግር ኳስ ህይወቱ 34 ዋንጫዎችን ማንሳት የቻለ ሲሆን ከእነዚህ መካከል ደግሞ አስራ አራቱ የሊግ ክብሮች ናቸው።ለአስራ አንድ ጊዜያት ያህል ደግሞ የባሎንዶር አሸናፊን ለመለየት በተደረጉ ምርጫዎች በእጩዎች ውስጥ መካተት ችሏል።

በእግር ኳስ ህይወቱ በክለብ ደረጃ ያላሳካው ብቸኛ ትልቅ ዋንጫም የአውሮፓ ሻምፒየንስ ሊግ ነው። በ2017 ከማንቺስተር ዩናይትድ ጋር የዩሮፓ ሊጉን ማንሳት መቻሉ ግን አይዘነጋም።አጥቂው በ122 ጨዋታዎች 62 ጎሎችን በማስቆጠር የስዊድን ብሄራዊ ቡድን ከፍተኛ አስቆጣሪ በመሆንም ጫማውን ሰቅሏል።

በ2018 ኤሲ ሚላንን ከመቀላቀሉ በፊትም ለሜጀር ሊግ ሶከር ተሳታፊው ክለብ ኤም ኤ ጋላክሲ ፊርማውን አኑሮ ለሁለት አመታት በዚያው ተጫውቶ አሳልፎም ነበር።

Leave a Reply

Your email address will not be published. Required fields are marked *