• May 18, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

ሁሉም ነገር የተጀመረው ሐሙስ ቀን ነበር

ByLeo Simera

Jun 6, 2023



ወደዚህ ስራ ቦታ የምትመጣው ለሰአታት ተጉዛ ነው ። እና ልክ ከስራ መውጫ ሰአቷ ሲደርስ ፡ በጊዜ ቤቷ ለመድረስ ከምትሰራበት ቦታ እየተዋከበች ትወጣና አውቶብሷን ትይዛለች ።

የዛን ቀንም እንደለመደችው የስራ ሰአቷ ሞልቶ ልትወጣ ስትዘገጃጅ ፡ የስራ ባልደረባዋ ፡ ለተጨማሪ 30 ደቂቃ ቆይታ ቦታዋን እንድትሸፍንላት ጠየቀቻት ።
……………
እንቢ ልትላት አልፈለገችም ፡ ከስራ ሰአት ውጭ ለተጨማሪ 30 ደቂቃዎች ቆይታ ፡ ልትሸፍንላት ተስማማች ። እናም እነዛ በደግነት የቆየችባቸው 30 ደቂቃዎች ፡ ህይወቷን ለዘለአለሙ ለወጡት ። እና ግን ቀኑን ሁሌም ታስታውሰዋለች ። ሀሙስ ቀን ነው ።
……………………………………………………..

ቆንጆ እንደሆነች ታውቃለች ፡ ብትችል ራሷን ብትንከባከብ ፡ ደስ ያላትን ብትለብስ ፡ ከሩቅ የምታየውን የቅንጦት ኑሮ ብኖር ብላ ታስባለች ። አንዳንድ ቀን ከምትሰራበት የጉቺ መደብር ውስጥ ያሉትን ልብሶች ታያለች ። ጌጣጌጦቹን እያወጣች ጣቷ ላይ እያደረገች ትሞክራቸዋለች ። ነገር ግን በሚከፈላት ጥቂት ገንዘብ ከምትሰራበት መደብር መግዛት የምትችለው ግፋ ቢል አንድ ሊፒስቲክ ብቻ ነው ።
…………………………….

ከምትሰራበት ቦታ የሰአታት መንገድ ርቃ የተከራየችው ትንሽ ቤት ፡ በአንድ ወቅት የተሰራው ፡ ለመጋዘንነት ነበር ። ከሆነ ጊዜ በኋላ ግን የመጋዘኑ ባለቤቶች ፡ ከፋፍለው ሰርተውት ፡ ገቢያቸው አነስተኛ ለሆኑ ሰወች አከራዩት ፡ ይህን ቤት ከተከራዩት ሰወች መሀል አንዷ ደግሞ ፡ እሷ ናት ።
………………..
ቤቱ ሲሰራ ለመጋዘንነት ተብሎ ስለነበር ፡ በበጋ ወቅት በጣም ይሞቃል ፡ ክረምት ሲመጣ ደግሞ ፡ብርዱ እስከ አጥንቴ ድረስ ይሰማኛል ትላለች ።
…………………………..

የጓደኛዋን ጥያቄ በእሽታ ተቀብላ ፡ ከስራ መውጫዋ ላይ 30 ደቂቃ የጨመረችው ጆርጊና ፡ ጓደኛዋ ቶሎ ተመልሳ ፡ መች ወደ ቤቷ እንደምትሄድ እያሰበች . እያለ …………የምትሰራበት የጉቺ መደብር ፡ ትልቅ የመስታወት በር ተከፍቶ አንድ ረጅም ቀጠን ያለ ወጣት ገባ ። ያ ወጣት ታዋቂው የእግር ኳስ ኮከብ ፡ ክርስቲያኖ ሮናልዶ ነበር ።


……………..

ጆርጊና ሮድሪጎዝ ፡ ልክ ሮናልዶን እንዳየችው ፡ የወደፊቱ ባሏ ፡ የድህነት ህይወቷን የሚቀይር የልጆቿ አባት እንደሚሆን ያወቀች ይመስል ደነገጠች ።
……………………………

ከአመታት በኋላ ዛሬ ላይ ጆርጊና ፡ በአለም ውድ በተባለ የጉቺ መደብሮች ፡ ያሉትን ልብሶች ብትፈልግ እንደድሮው አምረዋት አይቀሩም ። ከወደደቻቸው ትለብሳቸዋለች ። ዛሬ ፡ ቀለበት ለክቶ መመለስ የለም ፡ ከአልማዝም ሆነ ከወርቅ ቢሰራ የመግዛት አቅም አላት ።
እናም ያንን ወቅት ስታስታውሰው .. የዛን እለት ከስራ ሰአት ውጭ እንድቆይ ያደረገው ህይወቴን ሊቀይረው ስለፈለገ ነው ብላ ፈጣሪን ታመሰግናለች ።
እና አንዳንዴ ደግሞ ስትቀልድ ……. በባስ ወደስራ መጥቼ ፡ በቡጋቲ 🚖 ወደቤት ተመለስኩ ……. ህይወት እንዲህ ናት ትላለች ።
በዋሲሁን ተስፋዬ ተዘጋቶ በ 4-3-3 ስፖርት በኢትዮጵያ የቀረበ

ሮናልዶ

One thought on “ሁሉም ነገር የተጀመረው ሐሙስ ቀን ነበር”

Leave a Reply

Your email address will not be published. Required fields are marked *