• May 20, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

ካሪም – ከብራዚላዊያን ወደ ብራዚላዊያን!

ByLeo Simera

Jun 6, 2023

የ 14 አመት የሪያል ማድሪድ ቆይታው የተጠናቀቀው ካሪም ቤንዜማ ቀጣዩ ክለቡ የሳውዲው መቀመጫውን ጅዳ ላይ ያደረገው አል ኢቲሀድ እንደሆነ ተሰምቷል።

በቀድሞው የዎልቭስና ቶተንሀም አሰልጣኝ የሚመሩት “ነብሮቹ” ከ13 አመት በኋላ የሳውዲ የሊግ ዋንጫ ባለቤት ሆነዋል።

መራር የከተማቸው ባላንጣ አል አህሊ ደግሞ በታሪኩ ለመጀመሪያ ጊዜ ባለፈው አመት ከወረደ በኋላ ዘንድሮ በቀድሞ የማሜሎዲ ሰንዳውንስ አሰልጣኝ ፒትሶ ሞሲማኔ እየተመራ ተመልሶ አድጓል።በ”ሳውዲ ክላሲኮ” ቀጣይ አመት ኑኖ ከ ፒትሶ ይፋጠጣሉ።

ካሪም በ ነብሮቹ ቤት እንደ ሪያል ማድሪድ ሁሉ ብራዚላዊ አጥቂዎች ያጅቡታል።እንደ ቪኒ ጁኒየር እና ሮድሪጎ ሁሉ በ ኢቲሀድ ብራዚሊያኖቹ ሮማሪኖ እና ኢጎር ኮሮናዶ አሉ።

ሮማሪኖ ዘንድሮ 13 የሊግ ጎሎች አስቆጥሮ አጠናቋል።5 ለጎል የሚሆኑ ኳሶችም አመቻችቷል።ተወዳጁ ሮማሪኖ ከግራ መስመር እየተነሳ መጫወት የሚችል በመሆኑ ለቤንዜማ ቪኒ ጁኒየርን ያስታውሳል።በርግጥ በሌሎች ሚናዎችም ላይ መወጣት ይችላል።

ኢጎር ኮሮናዶ ዘንድሮ 13 ለጎል የሚሆኑ ኳሶችን በማመቻቸት በሊጉ ሁለተኛ ነው።6 ጎሎችንም አስቆጥሯል።ይህኛው ብራዚላዊ ሁለገብ ነው።ከወገብ በላይ ባሉ የማጥቃት ሚናዎች በአብዛኛው ይጫወታል።ከቀኝ ከተነሳ ግን ለቤንዜማ የማድሪዱ ሮድሪጎ ያስታውሰዋል።

ካሪም ከብራዚላዊያን ወደ ብራዚላዊያን ጥምረት ያቀናል።ነገርግን የሊጉ ከፍተኛ ጎል አስቆጣሪ ሆኖ ያጠናቀቀው አብድራዛቅ ሀምደላ የት ሊጫወት ይችላል?

በ 442/442 ዳይመንድ ፣4222 ወይስ ሌላ የኑኖ መልስ ይጠበቃል።[Eyob Dadi]

Leave a Reply

Your email address will not be published. Required fields are marked *