• May 19, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

የፕሪሚየር ሊጉን እና ኤፍኤካፑን ካሳካ በኋላ ማንቺስተር ሲቲ የ1999 የከተማ ተቀናቃኙ ማንቺስተር ዩናይትድ የሶስትዮሽ ዋንጫ ክብር ገድል ለመድገም የአንድ ጨዋታ እድሜ ብቻ ቀርቶታል።

ByLeo Simera

Jun 10, 2023

ዛሬ ምሽት በቱርኳ ኢስታንቡል ከተማ በአታቱርክ ስታዲየም ከኢንተር ሚላን ጋር በፍጻሜው ይጫወታል።

በእንግሊዝ የሶስትዮሽ ዋንጫ ክብርን ያሳካው ብቸኛ ክለብ በ1998/99 የሰር አሌክስ ፌርጉሰን ማንቺስተር ዩናይትድ ብቻ ነው።

ካታሎናዊው ከ24 አመት በፊት ስኮትላንዳዊው የሰሩትን ገድል ለመድገም የሰዐታት እድሜ ብቻ ቀርቶታል ።

ዩናይትድ በወቅቱ የሶስትዮሽ ዋንጫ ክብሩን እንዲያሳካ ወሳኝ ሚና የነበራቸው አምስት ጨዋታዎች ከዚህ በታች እንደሚከተለው ቀርበዋል።

አርሰናል 1-2 ማንቺስተር ዩናይትድ ( ኤፍኤካፕ ግማሽ ፍጻሜ የድጋሚ ጨዋታ)

ረቡዕ 14 ሚያዝያ 1999

የማንቺስተር ዩናይትዱ የክንፍ ተጫዋች ሪያን ጊግስ በጭማሪ ሰዐት አስደናቂ ብቃቱን ተጠቅሞ የመድረኩን የምንግዜውም ምርጥ ጎል በማስቆጠር ቡድኑ ፍጻሜውን እንዲቀላቀል ማድረግ ችሏል።

በመጀመሪያው ጨዋታ ሁለቱ ቡድኖች ያለ ጎል ዜሮ ለዜሮ ተለያይተው ነበር።

ሮይ ኪን በቀይ ካርድ በወጣበት ጨዋታ ዴኒስ ቤርካምፕ ያገኘውን የፍጹም ቅጣት ምት ፒተር ሽማይክል ማምከን ችሎም ነበር።

ጁቬንትስ 2-3 ማንቺስተር ዩናይትድ ( ድምር ውጤት 3-4 ሻምፒየንስ ሊግ ግማሽ ፍጻሜ የመልስ ጨዋታ)

ረቡዕ 21 ሚያዝያ 1999

የፌርጉሰን ቡድን በሜዳው አንድ አቻ ተለያይቶ ነበር።የማርቼሎ ሊፒ ቡድን በቱሪን በነበረው ግጥሚያ ፊሊፖ ኢንዛጊ በአስራ አንድ ደቂቃ ውስጥ ሁለት ጎሎች አስቆጥሮ አሮጊቷ መሪ መሆን ቻለች።

አምበሉ ሮይ ኪን ቀያይ ሰይጣናቱን ወደ ጨዋታ ሲመልስ ድዋይት ዮርክ እና አንዲ ኮል ያስቆጠሯቸው ጎሎች ዩናይትድን ለፍጻሜ አብቅቷል።

ማንቺስተር ዩናይትድ 2-1 ቶትንሀም

( የፕሪሚየር ሊጉ የመጨረሻ ቀን መርሀ ግብር)

እሁድ 16 ግንቦት 1999)

ማንቺስተር ዩናይትድ በሰባት አመት ውስጥ ለአምስተኛ ጊዜ የሊጉን ክብር ለማሳካት የተፋለመበት ነው።

ዩናይትድ ከተከታዩ አርሰናል በአንድ ነጥብ ብቻ በልጦ በኦልድትራፎርድ ስፐርስን አስተናገደ።እንግዳው ቡድን ሳይጠበቅ በሌስ ፈርዲናንድ የ24ኛ ደቂቃ ጎል መሪ ሆነ።

ዴቪድ ቤካም ከእረፍት በፊት ባለ ሜዳውን ቡድን አቻ አደረገ።ከእረፍት መልስ አንዲ ኮል ዩናይትድን አሸናፊ ያደረገች ጎል ከመረብ አገናኘ።

ማንቺስተር ዩናይትድ 2-0 ኒውካስትል (ኤፍኤካፕ ፍጻሜ)

ቅዳሜ 22 ግንቦት 1999

ሊጉ በተጠናቀቀ በሳምንቱ ማንቺስተር ዩናይትድ ከከፍተኛ የጨዋታ ብልጫ ጋር ኒውካስትል ዩናይትድን በፖል ስኮልስ እና ቴዲ ሼሪንግሀም ጎሎች ሁለት ለዜሮ በማሸነፍ ከ1990 አንስቶ ለሶስተኛ ጊዜ የሁለትዮሽ ዋንጫ ባለ ክብር መሆኑን አረጋገጠ።

ማንቺስተር ዩናይትድ 2-1 ባየር ሙኒክ

(ሻምፒየንስ ሊግ ፍጻሜ)

ረቡዕ 26 ግንቦት 1999

በግንቦት ወር መጨረሻ ዩናይትድ ለታሪካዊው ጨዋታ ካምፕ ኑ ደርሷል።የፕሪሚየር ሊጉን እና ኤፍኤካፑን አስቀድሞ አሳክቷል።

የሮይ ኪን እና ፖል ስኮልስ ግልጋሎትን በቅጣት ምክንያት ማግኘት አልቻለም።ባየር ሙኒክም ልክ እንደ ዩናይትድ ሁሉ ለሶስትዮሽ ክብር እየተፋለመ ነበር።

በምሽቱ ጨዋታ የጀርመኑ ክለብ በሙሉ ጨዋታ ክፍለ ጊዜ የበላይ ቢሆንም ድራማዊ ክስተት በተሞላበት መልኩ በጭማሪ ሰዐት ከተጠባባቂ ወንበር የተነሱት ቴዲ ሼሪንግሀም እና ኦሊጉናር ሶልሻየር ያስቆጠሯቸው ጎሎች ለሽንፈት ዳረጉት።

Samson Abebe

Leave a Reply

Your email address will not be published. Required fields are marked *