• May 19, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

በቁሜ የረሱኝ ዘመዶች ፡ ስሞትስ ያዝኑ ይሆን ብዬ……

ByLeo Simera

Jun 16, 2023

ዴቪድ በርተን የቤልጂግ ( ቤልጂየም ) ሰው ሲሆን በተለያዩ ማህበራዊ ሚዲያዎች ባለው ተቀባይነት ዝና እና እውቅናን ያገኘ የ45 አመት ተወዳጅ ሰው ነበር ።

…….

እና ከሶስት ቀን በፊት የዚህ ሰው ልጅ በፌስቡክ ገጽዋ ፡ ዘመድ ወዳጆቹንና አድናቂዎችን ያስደነገጠውን መርዶ ጻፈች ።

……..

አንዳንዴ ህይወት ፍትሀዊ አይደለችም ። ዛሬ የምወደውን አባቴን አጥቻለሁ ። አባቴ ነብስህ በሰላም ትረፍ ፡ የልጅ ልጆችህን በምታይበት ወቅት ተለየኸን ፡ ሁሌም ስናስብህ እንኖራለን ።

……..

ይሄ ዜና ከተሰማ በኋላ ፡ ጋዜጦችም የዴቪድ በርተንን ህልፈት ዘገቡት ።

……

የቀብሩ እለትም ፡ የቅርብና የሩቅ ዘመዶቹ ከያሉበት ተሰብስበው መጡ ። ከልብ አድናቂዎቹም በስፍራው ተገኝተው ፡ ከልብ አዝነው አለቀሱ ።

ለአመታት ያልጎበኙት ወዳጆቹ ፡ ሳይታሰብ በተለያቸው ዴቪድ በርተን ህልፈት ከልብ አዝነው እያነቡ ስርአተ ቀብሩን ሊፈፀም ሲል ፡ አንድ የሄሊኮፕተር ድምፅ በስፍራው የነበረውን ፀጥታ አወከው ።

…….

የሄሊኮፕተሩ ድምፅ በጣም እየቀረበ ፡ በኋላም የቀብሩ ስነስርአት ከሚካሄድበት ቦታ አለፍ ብሎ አረፈ

ሄሊኮፕተሩ ካረፈ በኋላ ፡ ትላልቅ ካሜራ የያዙ ሰወች ወረዱና ከሄሊኮፕተሩ የሚወርደውን ሰው ለመቅረፅ ፊታቸውን አዙረው ቆሙ ።

……

የዴቪድ በርተንን የቀብር ስነስርአት ለመከታተል የመጡ ሀዘነተኞች ትኩረት በሙሉ ወደ ሄሊኮፕተሩ ሆነ ።

….

እና ሀዘንተኛው በሙሉ ወደሄሊኮፕተሩ እያየ እያለ አንድ ወፍራም ሰው ከሄሊኮፕተሩ ወረደ ።

ይህ ሰው ዛሬ ሞተ ተብሎ ቀብሩ ሊፈፀም ደቂቃዎች የቀሩት ዴቪድ በርተን ራሱ ነበር ።

………

ሀዘነተኛው ተደናገጠ ፡ ሚስትና ልጆቹ ሮጠው ተጠመጠሙበት ።

አሁን ሀዘንተኛው አንድ ነገር ተረዳ ።

ዴቪድ በህይወት ሳለ ሞቱ እንዲነገር እንደሚፈልግ ለሚስቱና ልጆቹ ነግሮ እንዲያግዙት አሳመናቸው ። ልጁ አሳዛኝ ፅሁፍ ፌስቡክ ላይ ፖስት አደረገች ።

ወዳጅ ዘመዶቹ ሁሉ ይህን ሰሙ ። ዛሬ በቀብር ስርአቱ ላይ ተገኙ ።

……..

ዴቪድ በርተን ከሄሊኮፕተሩ ከወረደ በኋላ ፡ በስፍራው ላሉት ወዳጅና ዘመዶቹ አንድ ነገር ተናገረ ።

…..

ፍቅራችሁ ርቦኝ ነበር ። ርቃችሁኝ ፡ ትታችሁኝ ፡ ረስታችሁኝ ለረጅም አመታት ቆየን ፡ እና አንድ ነገር ማወቅ ፈለኩ ፡ እነዚህ ሰወች እንዲህ በቁሜ የረሱኝ ዘመዶች ፡ ስሞትስ ያዝኑ ይሆን ብዬ ይህን የውሸት ሞት ሰራሁ ።

እና ከሄሊኮፕተሩ ስወርድ ፡ ለአመታት የራቁኝ ዘመድ ወዳጆች ከልብ ሲያዝኑ አየሁ ፡ ። የምንወደውን ሰው ለመጠየቅ የግድ ሞቱን መጠበቅ የለብንም ። በቁም እያለን ነው መጠያየቅ ያለብን ።

ስለዚህ በሞት የተለያየን መስሏችሁ ያዘናችሁ ወዳጆች ፡ካሁን ወዲያ መራራቁ ይብቃን ፡ ይኸው በህይወት አለሁ ፡ ኑና የናፈቅሁትን ፍቅር ስጡኝ አላቸው ።

እኛስ ለአመታት ያልጠየቅነው ግን የምንወደው ሰው አለ ? ካለ እንጠይቀው ።
Wasihun Tesfaye

Leave a Reply

Your email address will not be published. Required fields are marked *