• May 19, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

የኢትዮጵያ እግር ኳስ ፌዴሬሽን ለሞዛሞቢክ አቻው 8 ሺህ ዶላር እንደሚከፍል ተገለፀ

Byadmin

Jun 16, 2023

የኢትዮጵያ ብሔራዊ ቡድን በሞዛምቢክ ቆይታ ሲያደርግ 8ሺህ የአሜሪካ ዶላር ክፍያ እንደሚፈፅም የኢትዮጵያ እግር ኳስ ፌዴሬሽን ፅ/ቤት ኃላፊ አቶ ባህሩ ጥላሁን አስታውቀዋል።

በኢትዮጵያ የካፍን መስፈርት የሚያሟላ አንድም ስታድየም አለመኖሩ እግር ኳስ ፌዴሬሽኑን ለከፍተኛ ወጪ መዳረጉን አንስተዋል።

የኢትዮጵያ ብሔራዊ ቡድን ከማላዊ አቻው ጋር ለሚያደርገው 5ኛ የአፍሪካ ዋንጫ የምድብ ጨዋታና የዝግጅት ጊዜን አስመልክቶ በብሔራዊ ቡድኑ አሰልጣኝ ዳንኤል ገ/ማርያም እና በኢትዮጵያ እግር ኳስ ፌዴሬሽን ፅ/ቤት ኃላፊ ባህሩ ጥላሁን አማካኝነት ጋዜጣዊ መግለጫ ተሰጥቷል።

ከሰኔ 5 ጀምሮ በአዳማ ከተማ በአዳማ ሳይንስና ቴክኖሎጂ ዩኒቨርስቲ ሜዳ ሲዘጋጅ የሰነበተው ብሔራዊ ቡድኑ አስቀድሞ ለ41 ተጫዋቾች ጥሪ ማድረግ ቢችልም አንዳንድ ተጫዋቾች በግልና በጉዳት ምክንያት መቀላቀል አለመቻላቸው ተገልጿል።

ከተጫዋቾች ምርጫ ጋር በተያያዘ ማብራሪያ የሰጡት አሰልጣኝ ዳንኤል ገ/ማርያም ከማላዊ ጋር ለሚደረገው ጨዋታ ብሔራዊ ቡድኑ እንዲጫወት የተፈለገው የአጨዋወት ዘይቤ ስላለ ለዛ ይረዳ ዘንድ በአሁን ሰዓት በሊጉ የተሻሉ ናቸው የተባሉ ተጫዋቾች ስለመመረጣቸው አንስተዋል።

አስቀድሞ ብሔራዊ ቡድኑ ከ2023ቱ የአይቬሪኮስቱ አፍሪካ ዋንጫ ውድድር ውጪ መሆኑ በተጫዋቾች ላይ ተፅህኖ አላመጣም ያሉት አሰልጣኝ ዳንኤል ገ/ማርያም ስራቸውን በቋሚነት ለማስቀጠል እንደማያሳስባቸውና የተሻለ ውጤት ይዘው ለመመለስ ወደስፍራው እንደሚያመሩ አሳውቀዋል።

በአፍሪካ ዋንጫ ማጣሪያ ምድብ አራት ላይ የምትገኘው ኢትዮጵያ በሶስት ነጥብ የምድቡ ግርጌ ላይ የምትገኝ ሲሆን አስቀድማ ከአፍሪካ ዋንጫው ውጪ ብትሆንም ለመርሃ ግብር ማሟያና ለክብር ስትል የፊታችን ማክሰኞ ከማላዊ አቻዋ ጋር አምስተኛ የምድብ ጨዋታዋን ታከናውናለች።

በአብርሃም ተስፋዬ

Leave a Reply

Your email address will not be published. Required fields are marked *