• May 20, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

የዝውውር ጭምጭምታዎች

ByLeo Simera

Jun 16, 2023

– ቶተነሃም ሆትስፐርስ የሌይስተር ሲቲዎቹን አማካይ ጀምስ ማዲሰንን እና አጥቂውን ሃርቬይ ባርነስን በ50 ሚሊዮን ፓውንድ ለማስፈረም ጥያቄ ማቅረቡ ተሰምቷል፡፡

– አርሰናል የዌስትሀሙን አማካይ ዴክላን ራይስን ለማስፈረም ያቀረበው 90 ሚሊዮን ፓውንድ ውድቅ ከተደረገበት በኋላ ማን.ዩናይትድ፣ ማን.ሲቲ እና ቼልሲ የ24 ዓመቱን እንግሊዛዊ ለማስፈረም ፉክክሩን መቀላቀላቸው ተሰምቷል፡፡

አርሰናል ኢኳዶሯዊውን የ21 ዓመት አማካይ ሞይሴስ ካይሴዶን ከብራይተን ለማስፈረም የነበረውን ሀሳብ በማቋረጥ አሁንም ትኩረቱን በዴክላን ራይስ ላይ ማድረጉ ተገልጿል፡፡

– ሞይሴስ ካይሴዶ ከአርሰናል ይልቅ ቼልሲን መቀላቀልን ምርጫው አድርጓል፡፡ በቀጣይ ቀናትም ድርድር ይጀምራል ተብሎ ይጠበቃል፡፡

– ቼልሲ ጀርመናዊውን አጥቂውን ካይ ሀቨርዝን ወደ አርሰናል ለመሸኘት ከተጨዋቹና ከሰሜን ለንደኑ ክለብ ጋር በግል ጉዳዮች ላይ ደረጃ ከስምምነት ላይ ደርሰዋል፡፡ አሁን የሚቀረው ቀሪ የወረቀት ጉዳዮች ብቻ ናቸው፡፡

– ቼልሲ የ27 ዓመቱን ካሜሩናዊውን የኢንተር ሚላን ግብ ጠባቂ አንድሬ ኦናናን ለማስፈረም ከማን.ዩናይትድ ጋር ተፋጥጧል፡፡ ዩናይትድ ከኦናና በተጨማሪ የ23 ዓመቱን ፖርቹጋላዊውን የፖርቶ ግብ ጠባቂ ዲዮጎ ኮስታንም የማስፈረም ፍላጎት እንዳለው ታውቋል፡፡

– ኒውካስል የ26 ዓመቱን ስኮትላንዳዊውን የተመላላሽ ስፍራ ተጨዋች ኬይራን ቴራፒን ለማስፈረም የሚያደርገውን ጥረት አጠናክሮ ቀጥሏል፡፡ አርሰናል ተጨዋቹን ለመልቀቅ በቀጣዮቹ 2 ሳምንታት ከቲንሳይዱ ክለብ የሚቀርብለትን ጥያቄ ለማድመጥ ዝግጁ ነው፡፡

– ማን.ዩናይትድ እና ቼልሲ የአታላንታውን አጥቂ ራስመስ ሆሉንድን ለማስፈረም ፍላጎት አድሮባቸዋል፡፡ የጣልያኑ ክለብ የ20 ዓመቱን ዴንማርካዊ ለመልቀቅ የክለቡ የሽያጭ ሪከርድ የሆነ 45 ሚሊዮን ፓውንድ እንዲቀርብለት ይፈልጋል፡፡

– ሊቨርፑል በፓሪስ ሴይንት ዤርመው አማካይ ዋረን ዛየር ኤምሬይ ላይ ያለውን ፍላጎት እያሳየ ነው፡፡ የማን.ሲቲው አሰልጣኝ ፔፕ ጋርዲዮላም የዚህ የ17 ዓመት ወጣት አድናቂ ሲሆን የ28 ዓመቱን ፖርቹጋላዊውን አጥቂውን በርናንዶ ሲልቫን በልዋጭ መልክ በመስጠት ሊያስፈርመው ይፈልጋል፡፡

– ቦሩሲያ ዶርትሙንድ የቀድሞ አማካዩን ኤልኪ ጉንዶጋንን ከማን.ሲቲ መልሶ ለማስፈረም የነበረውን ፍላጎት ሰርዟል፡፡ ይህንንም ተከትሎ አርሰናል የ32 ዓመቱን ጀርመናዊ ለማስፈረም ፍላጎት አድሮበታል፡፡

– ባየር ሙኒክ የ26 ዓመቱን ደ/ኮሪያዊ ተከላካይ ኪም ሚን-ጃኤን ከናፖሊ ለማስፈረም የሚደረገውን ፉክክር እየመራ መሆኑ ታውቋል፡፡ ተጨዋቹ ቀደም ሲል ወደ ማን.ዩናይትድ ለማምራት ግንኙነት ጀምሮ እንደነበር የሚታወስ ነው፡፡

– የሳውዲ አረቢያው ክለብ አል-ታዉን የ30 ዓመቱን ስፔናዊውን አጥቂ አልቫሮ ሞራታን ከአትሌቲኮ ማድሪድ ለማስፈረም ጥያቄ አቅርቧል፡፡ ተጨዋቹ ጥያቄውን የሚቀበል ከሆነ ዓመታዊ 30 ሚሊዮን ዩሮ (42.8 ሚሊዮን ፓውንድ) ደመወዝ የሚያገኝ ይሆናል፡፡

– ቦሩሲያ ዶርትሙንድ የ22 ዓመቱን ጃፓናዊውን አጥቂ ኬይቶ ናካሙራን ከኦስትሪያው ላስክ ክለብ ለማስፈረም የሚደረገውን ፉክክር ከሊቨርፑል፣ አስቶን ቪላ እና በርንሌይ ጋር ተቀላቅሏል፡፡

Leave a Reply

Your email address will not be published. Required fields are marked *