• May 19, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

የዝውውር ጭምጭምታዎች

ByLeo Simera

Jun 19, 2023

– የአማካይ ክፍሉን በአዲስ መልክ ለማጠናከር የወሰነው አርሰናል ጋናዊውን የ30 ዓመት አማካይ ቶማስ ፓርቴን ለመሸጥ መዘጋጀቱ ታውቋል፡፡

– ቼልሲ ኢኳዶራዊውን አማካይ ሞይሰስ ካይሴዶን ለማስፈረም ተጨማሪ ድርድር ለመጀመር መዘጋጀቱ ታውቋል፡፡ የምዕራብ ለንደኑ ክለብ መጀመሪያ ላይ አቅርቦት የነበረው 60 ሚሊዮን ፓውንድ በብራይተን ውድቅ የተደረገ ሲሆን ክለቡ የ21 ዓመቱን ኮከብ ለመልቀቅ እስከ 80 ሚሊዮን ፓውንድ እንዲቀርብለት ይፈልጋል፡፡

– የቼልሲው አጥቂ ካይ ሀቨርዝ ወደ አርሰናል ለመጓዝ መቃረቡ ተሰምቷል፡፡ ባየር ሙኒክ የ24 ዓመቱን አጥቂ ለማስፈረም የነበረውን ፍላጎት መሰረዙን ተከትሎ ነው ወደ ሰሜን ለንደኑ ክለብ ለማምራት መቃረቡ የተሰማው፡፡

– ፈረንሳዊው አጥቂ ክላያን ምባፔ በቀጣዩ ሲዝንም በፒ.ኤስ.ዠ እንደሚቆይና ቀጣይ ማረፊያውን በተመለከተ ኮንትራቱ በ2024 ሲጠናቀቅ እንደሚወስን አስታውቋል፡፡

– ሪያል ማድሪድ የ33 ዓመቱን ጆሴሉን ከኤስፓኞል በዚህ ሳምንት በይፋ እንደሚያስፈርም ተረጋግጧል፡፡ ማድሪዶች ምባፔን የማስፈረም ዕቅዳቸው መሰናከሉን ተከትሎ ነው ፊታቸውን ወደ አንጋፋው ስፔናዊ አጥቂ ያዞሩት፡፡

– ጂያንሉካ ስካማካ ወደ ሮማ ለማምራት ተስማምቷል፡፡ ዌስትሃም የ24 ዓመቱን ጣልያናዊ አጥቂ በውሰት ለመልቀቅ ፈቃደኛ መሆኑ ታውቋል፡፡

– ባየር ሙኒክ የ33 ዓመቱን እንግሊዛዊውን የማን.ሲቲ ተከላካይ ካይል ዎከርን በቋሚ የዝውውር ውል ለማስፈረም ተጨማሪ ድርድሮችን እያደረገ ይገኛል፡፡

– የሞናኮው ተከላካይ አክሴል ዲሳሲ በማን.ዩናይትድ ዕይታ ውስጥ ገብቷል፡፡ ቀያይ ሰይጣኖቹ ትኩረታቸውን ወደ 25 ዓመቱ ፈረንሳዊ ያዞረው ቀደም ሲል ሊያስፈርመው ጥረት ሲያደርግ የነበረው የ26 ዓመቱ ደቡብ ኮሪያዊው ኪም ሚን-ጃኤ ወደ ባየር ሙኒክ ለማምራት በመወሰኑ ምክንያት ነው፡፡

– የቀድሞው የባርሴሎና እና የስፔን ብ/ቡድን አሰልጣኝ ሉዊስ ኤንሪኬ ቀጣዩ የፒ.ኤስ.ዠ አሰልጣኝ ይሆናሉ ተብሎ ይጠበቃል፡፡

– የቼልሲ እና የሞሮኮ ብ/ቡድን የመስመር አጥቂ ሀኪም ዚያች የሳውዲ አረቢያውን አል-ናስር ለመቀላቀል ንግግር መጀመሩ ተሰምቷል፡፡ ዝውውሩ የሚሳካ ከሆነ ከክርስቲያኖ ሮናልዶ ጋር ጥሩ ጥምረትን ይፈጥራሉ ተብሎ ይጠበቃል፡፡

– ቼልሲ አሁንም ናይጄሪያዊውን አጥቂ ቪክቶር ኦሴሜህን ከናፖሊ ለማስፈረም ፍላጎቱን እያሳየ ነው፡፡ ከእሱ በተጨማሪ ሴኔጋላዊውን የቪያሪያል አጥቂ ኒኮላስ ጃክሰንንም ለማስፈረም ከስምምነት ላይ ደርሷል፡፡

– ኒውካስል ዩናይትድ እንግሊዛዊውን የዌስትብሮም ግብ ጠባቂ ጆሽ ግሪፍዝን ለማስፈረም ጥያቄ ሊያቀርብ ነው፡፡

– ፈረንሳዊው አጥቂ አንቶኒዮ ግሬይዝማን አንድ ቀን በአሜሪካው ሜጀር ሊግ ሶከር የመጫወት ህልም እንዳለው አስታውቋል፡፡

– ፒ.ኤስ.ዠ ደቡብ ኮሪያዊውን የአማካይ አጥቂ ሊ ካንግ-ኢን ከሪያል ማዮርካ ለማስፈረም ንግግሩን ቀጥሏል፡፡

– ባርሴሎና ብራዚላዊውን የ18 ዓመት አጥቂ ቪቶር ሮኬን በአምስት ዓመት ውል ከአትሌቲኮ ፓራናንሴ ለማስፈረም መስማማቱ ተነግሯል፡፡

– በውድድር ዓመቱ መጨረሻ ከባርሴሎና የተለያየው የ34 ዓመቱ አማካይ ሰርጂዮ ቡስኬት የቀድሞ ጓደኛውን ሊዮኔል ሜሲን ፈለግ በመከተል ወደ አሜሪካው ኢንተር ሚያሚ ለማምራት መቃረቡ እየተነገረ ነው፡፡

Leave a Reply

Your email address will not be published. Required fields are marked *