• May 20, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

ሰማያዊዎቹ እየታደኑ ነው…

ByLeo Simera

Jun 20, 2023

በዚህ የዝውውር መስኮት ወሳኝ ተጨዋቾቻቸውን ከሚያጡት ክለቦች መካከል ቼልሲ ቀዳሚው ሊሆን እንደሚችል እየተነገረ ነው፡፡ በተለይም ደግሞ ሰማያዊዎቹ በሳውዲ አረቢያ ክለቦች እየታደኑ ነው፡፡

ኮንትራቱ የተጠናቀቀው ንጎሎ ካንቴ አዲስ ውል ከቼልሲ ቢቀርብለትም አዲስ ህይወት በመፈለጉ ሳይቀበለው ቀርቷል፡፡ መዳረሻውም የሳውዲ አረቢያው አል-ኢትሃድ ለመሆን ተቃርቧል፡፡ የሰባት ዓመታት የስታምፎርድ ብሪጅ ቆይታውም እዚህ ላይ ያበቃ ይመስላል፡፡

ግብ ጠባቂው ኤድዋርድ ሜንዲ ሌላኛው ቼልሲን ሊለቅ የሚችል ተጨዋች ነው፡፡ ከአል-አህሊ ጋር ድርድር መጀመሩ ታውቋል፡፡ የ31 ዓመቱ ሴኔጋላዊ ባለፈው ሲዝን ከዓለም ዋንጫው መልስ ቦታውን በኬፓ አሪዝባላጋ ተነጥቆ እንደነበር ይታወሳል፡፡ በአዲሱ ሲዝንም ማውሪሲዮ ፖቼቲኖ ከእሱ ይልቅ ኬፓን የመጀመሪያ ተመራጫቸው ሊያደርጉት መወሰናቸው ተሰምቷል፡፡ በእርግጥ ግብ ጠባቂው ከምዕራብ ለንደኑ ክለብ ጋር እስከ 2025 የሚዘልቅ ኮንትራት ቢኖረውም መልቀቁ ግን አይቀሬ ይመስላል፡፡

አል-ሂላል ሌላኛውን የቼልሲ ተከላካይ ካሊዱ ኩሊባሊን ለማስፈረም ጥረት በማድረግ ላይ ነው፡፡ ኢንተር ሚላን ሴኔጋላዊውን ኢንተርናሽናል በውሰት ለማስፈረም ፍላጎቱን ቢያሳይም ቼልሲ ግን በውሰት ከመልቀቅ ይልቅ ለሳውዲ አረቢያው ክለብ በሽያጭ ለመልቀቅ ወስኗል፡፡

የክስርስቲያኖ ሮናልዶው ክለብ አል-ናስር ሌላኛውን የቼልሲ ኮከብ ሀኪም ዚያችን ለማስፈረም መቃረቡ ተሰምቷል፡፡ በግል ጉዳዮች ዙሪያም ከስምምነት ላይ መድረሳቸው እየተነገረ ነው፡፡ ሞሮኳዊው ኢንተርናሽናል ባለፈው ጥር ወር ወደ ፒ.ኤስ.ዠ ለመጓዝ ተቃርቦ የነበረ ቢሆንም የወረቀት ስራዎች ባለመጠናቀቃቸው ሳይሳካ ቀርቷል፡፡

ሮሜሉ ሉካኩ ሌላኛው በሳውዲ አረቢያ ክለቦች የሚፈለግ የቼልሲ ተጨዋች ነው፡፡ እሱ ግን በአውሮፓ መቆየት ይፈልጋል፡፡ ኢንተር ሚላን ይፈልገዋል፤ ነገር ግን አሁንም በውሰት እንዲሰጠው ነው የሚፈልገው፡፡ ቼልሲዎች ደግሞ እንደዚህ ዓይነት አጀንዳ የላቸውም፡፡ በመሆኑም ወደ ሳውዲ ሊሸኙት የወሰኑ ይመስላል፡፡

Leave a Reply

Your email address will not be published. Required fields are marked *