• May 18, 2024

4-3-3 ስፖርት በኢትዮጵያ

ከእሁድ እስከ እሁድ ፈጣን የመረጃ ምንጭ!

አርጀንቲናዊው “ብራዚሊያን” ሲሆን!የአቡኪ ነገርስ?

ByLeo Simera

Jul 4, 2023

ትናንት ለሰንዳውንሶች የደስታ ቀን ነበር።የጠበቁት ዝውውር አርጀንቲናዊው ተጨዋች “ብራዚሊያን”መሆኑ የተረጋገጠበት እለት ነበር።በተጠናቀቀው የደቡብ አፍሪካ ዲ ኤስ ቲቪ ፕሪምየርሺፕ ስቴሌንቦሽ የሚባለው ቡድን ሲጫወት የተመለከተ ይህ ተጨዋች ቀድሞ እይታ ውስጥ ይገባል።ድንቅ ጥበበኛ ነው።ኳሷን ያሾራታል።ከወገብ በላይ የማይጫወትበት ቦታ የለም።የአጥቂ አማካዩ ቦታ ግን ምቾቱ ነው።አርጀንቲናዊው ጁኒየር ሜንዴይታ የስቴሌንቦሽ አይን ነበር።ምርጡ እንቅስቃሴው ግን እንደተለመደው በትልቁ ሻርክ ማሜሎዲ ሰንዳውንስ እንዲገዛ ሆኗል።በሊጉ 10 ጎሎችን እና 9 ለጎል የሚሆኑ በማቅረብ የተዋጣለት አመት አሳልፏል።አሁን አዲሱ ክለቡ “ዘ ብራዚሊያን” ወደ የሚባሉት አቅንቷል። አርጀንቲናዊው ወደ ብራዚሊያን!የጁኒየር ሜንዴታ መዘዋወር ክለቡ ውስጥ ያሉ የውጪ ተጨዋቾች ስጋት ነው።በደቡብ አፍሪካ አንድ ቡድን አምስት የውጪ ተጨዋቾች ብቻ ማስመዝገብ ይጠበቅበታል።ታዲያ አሁን በክለቡ የኛው አቡበከር ጨምሮ አስራ አንድ የውጪ ተጨዋቾች አሉ።በሀገሪቷ ከ አምስት አመት በላይ የተጫወተ የውጪ ተጨዋች እንደ ሀገሬው ሰው ፈቃድ ያገኛል።በዚህ ምክንያት እነ ሻሉሉሊ እና ሁለቱ ኦንያንጎ አይነት ተጨዋቾች ከአምስት አመት በላይ በቆይታ ያደረጉ በመሆኑ ፈቃድ የተሰጣቸው የውጪ ተጨዋቾች ኮታ የማይመለከታቸው ናቸው።አሁን ቀሪ ስድስት አሉ።ሜንዴይታን ለማስመዝገብ አንድ ተጨዋች መስዋእት መሆን አለበት።መስዋእት የሚሆነው ቦሊቪያዊው ሳቬድራ ነው።በተጠበቀው ልክ አልተገኘም።ሌላ ጥሩ ነገር ከቀሩት ስድስቱ ውስጥ ኡራጋዊው ጋስተን ሴሪኖ ዘንድሮ አምስት አመት ስለሚያልፈው ቀድሞ ከነበሩት የውጪ ኮታ የማይመለከታየው ተጨዋቾች ዝርዝር ውስጥ ይካታል።ይህ ከሆነ ደግሞ ሰንዳውንስ በቡድኑ ውስጥ የውጪ ኮታ የሚመለከታቸው አቡኪን ጨምሮ አራት ተጨዋችቾ ይሆናሉ።አንድ ባዶ ክፍት ቦታ አለው ማለት ነው።ይህ ማለት ቡድኑ ከአንድ በላይ የውጪ ተጨዋች ላምጣ ካለለ በቀር አቡኪ በውሰት የመሰጠት በክለቡ እድሉ ጠባብ ይሆናል።ነገርግን ለ አቡኪ በክለቡ ከቆየ ወሳኝ የውድድር አመት ይሆናል።ከክለቡ ጋር ቀጣይነቱን የሚወስንበት አመት ይሆናል።ምክንያቱም በሱ ቦታ ላይ የሚጫወቱ ተጫዋቾች ቁጥር ብዚ በመሆኑ ፉክክሩ ቀላል አይደለም።ሰንዳውንሶች በየአመቱ የውጪ ተጨዋቾች ኮታን ለማስተካከል ሲቸገሩ ይታያሉ።ትንሽ ከተንሸራተትክ ትሰዋለህ።ለዛም ነው የአቡኪ የመጀመሪያ በጉዳት የታጀበው የውድድር አመት ምንም እንኳን በተጨዋወተበት ወቅት ድንቅ ቢሆንም በቀጣዩ አመት ግን ከጉዳት የፀዳ አመት እንዲሆንለት የሁላችን ምኞት የሚሆነው።

eyob dadi

Leave a Reply

Your email address will not be published. Required fields are marked *